പണം പിരിക്കാനാണോ വി.എസ് കേസ് നടത്തുന്നതെന്ന് വ്യക്തമാക്കണം: പി.സി ജോര്ജ്
Posted on: 15 Sep 2011
കാസര്കോട്: പണം പിരിക്കാനാണോ കേസ് നടത്തുന്നതെന്ന് വി.എസ് അച്യുതാനന്ദന് വ്യക്തമാക്കണമെന്ന് പി.സി ജോര്ജ്. പണത്തിന്റെ ഉറവിടത്തെക്കുറിച്ച് വി.എസ് വിശദീകരിക്കണം. ഓരോ സിറ്റിങ്ങിനും ലക്ഷങ്ങള് പ്രതിഫലം വാങ്ങുന്ന രാജ്യത്തെ പ്രമുഖ അഭിഭാഷകരെ കൊണ്ടുവന്ന് കേസ് നടത്തുന്നതിനുള്ള പണം എവിടെ നിന്ന് ലഭിച്ചു. പാര്ട്ടി നയരേഖപ്രകാരമാണോ വി.എസ് പണം പിരിച്ചത്. പൊതുജനങ്ങളില് നിന്ന് പിരിക്കുന്ന പണം അയ്യായിരം രൂപയില് കൂടുതലാണെങ്കില് ജില്ലാ കമ്മിറ്റിയുടെ അനുമതി വേണമെന്നാണ് പാര്ട്ടി വ്യവസ്ഥ.
അങ്ങനെയെങ്കില് ലക്ഷങ്ങള് പിരിച്ച വി.എസിനെതിരെ പ്രകാശ് കാരാട്ടോ പോളിറ്റ് ബ്യൂറോയോ എന്ത് നടപടിയെടുക്കാനാണ് ഉദ്ദേശിക്കുന്നതെന്നും അവര് പറയണം. റൗഫുമായി വി.എസിന് എന്ത് ബന്ധമാണുള്ളത്. റൗഫിനെ എന്തുകൊണ്ട് വിശ്വസിക്കുന്നുവെന്നും വി.എസ് പറയണം.
അധികാരത്തിലിരുന്നപ്പോള് വ്യക്തമായ തെളിവുകള് ഉള്ള പല കേസുകളും തള്ളിക്കളയുകയും ആറ് കോടതികള് തള്ളിക്കളഞ്ഞ കേസിന്റെ പിന്നാലെയാണ് വി.എസ് ഇപ്പോഴും നടക്കുന്നത്. കാസര്കോട് പ്രസ് ക്ലബിന്റെ മുഖാമുഖത്തില് സംസാരിക്കുകയായിരുന്നു ജോര്ജ്. വി.ഡി.സതീശന് മന്ത്രിയായിരുന്നെങ്കില് തര്ക്കമുണ്ടാകില്ലായിരുന്നുവെന്നും ചോദ്യത്തിന് മറുപടിയായി അദ്ദേഹം പറഞ്ഞു.
അല്ലേ.അല്ല കേസ് നടത്താനാണ് പണം പിരിക്കുന്നത്
മറുപടിഇല്ലാതാക്കൂ